Tgi che posseda in abonnament da biblioteca sa retrer sur la pagina www.dibiost.ch gratuitamein medias digitalas: adina, dapertut, senza cuosts d’admoniziun, en vacanzas, a casa e sin viadi. La "Biblioteca digitala" sa empristar ils pli differents cuntegns sco p.ex.: Ovras linguisticas, cudischs auditivs, giugs auditivs, medias digitalisadas sco videos e software e.a.p.
Per saver empristar il cuntegn digitalisau tras la "Biblioteca digitala" ei la registraziun dil client (utilisader!!) dalla biblioteca cundiziun.
Duront duas tochen treis jamnas stattan las medias electronicas a disposiziun. Suenter il termin da spiraziun vegnan las datas serradas automaticamein. Ei succeda negin reclom e negins cuosts d’admoniziun. Per saver nazegiar la "Biblioteca digitala" ston ils utilisaders dalla biblioteca disponer d’ina tecnologia adattada d’online e procurar sez e sin agens cuosts e prighel per igl access tier ils survetschs electronics da medias, en special tier igl internet. Els ston s'adattar als standards tecnics che midan egl internet ed en la "Biblioteca digitala" sin agen cuost.
Per saver nazegiar la "Biblioteca digitala" stos Ti ver in abonnament tier nossa biblioteca. In abonnament annual cuosta per famiglias CHF 60.- e per singuls CHF 40.-
Indichescha en quest formular Tias datas da registraziun. In niev abonnament sa cuzzar entochen 5 dis tochen che quel sa vegnir nazegiaus.
La Biblioteca Trun porscha naven dil matg tochen igl october bauns da leger a Trun silla Senda d’art e Carmanera, a Schlans Davaruns, a Cumpadials silla plazza da giugs, a Rabius silla plazza da giugs. Il team dallas bibliotecaras giavischa bien divertiment cun la lectura da differents cudischs per pign e grond.
