• Illustradas actualas mintga meins

  • ANTOLIN

    portal online da promoziun da leger

  • Litteratura dil fatg da different gener

  • Bauns da leger

  • Lectura per affons e cudischs da maletgs pils pli pigns

  • Notg da raquents 2014

  • Segnapaginas

    La Biblioteca Trun ha novs segnspaginas

  • Sch'ei maunca a ti zatgei,

    bu va en l'apoteca, mo neu en biblioteca!

  • 30 onns biblioteca Trun

    Festivitads tier il giubileum da 30 onns Biblioteca Trun

  • Vitrina

    Viseta la biblioteca publica!

  • punct dubel

    ha presentau ina prelecziun dubla en la Biblioteca Trun

  • Flurina

    ed il pictur-artist Alois Carigiet

  • Bauns da lectura

    mesjamna, ils 19 da zercladur 2013

  • Jamna bibliotecara grischuna a Trun

tscherca nossa purschida

belletristica
lit. documentara
illustrada
comics
DVD
CD
cudisch auditiv
vegliadetgna:
affons
scalem mesaun
scalem superiur
carschi



  • Tista Murk
    Tista Murk (1915-1992) Radio- und Fernsehpionier und bekannter romanischer Dichter.

    historia dalla "Bibioteca Trun"

    Dall'idea alla realisaziun

    Tenor sur Paul Casanova, da 1978 -1989 plevon a Trun, deriva igl impuls per ereger ina biblioteca a Trun da Tista Murk. In referat, tenius da Tista Murk, ils 7 da matg 1982 en la claustra a Mustér ha inspirau el fermamamein. Sin viadi da retuorn han el e dr. Pius Tomaschett, ch´era treis meins avon daventaus president dil Cussegl da scola da Trun, discutau l´idea d´ereger ina biblioteca per las scolas communalas. Lezza sera eran els vegni tier la conclusiun: "Muort munconza da plaz (gia lu!), stuein nus refierer quei giavisch sin pli tard."

    Il fiug envidaus da Tista Murk cul plaids: "Ina beinendrizzada biblioteca anfla adina e dapertut bien esit", ei buca stez. Anzi, el ha mo miez onn pli tard entschiet ad arder pir che mai. En ina sesida d´informaziun pil colloqui da scolasts ha Tista Murk saviu perschuader ils presents taluisa, ch´ins ha fundau cuort suenter ina cumissiun da biblioteca. En quella eran representai: la suprastonza communala, il cussegl da scola, ils scolasts e l´uniun da giuventetgna, mintgamai cun in delegau.

    Nunspitgadamein era il problem dil plaz sesligiaus. Muort la digren dil diember da scolars ei ina stanza da scola vegnida libra. Quella ei vegnida dessignada e messa a disposiziun dalla suprastonza communala (pres. Valentin Vincenz) sco niev local da biblioteca.

    Ina impurtonta premissa pil reussir dil "project biblioteca" era pia scaffida. In´autra, buca meins impurtonta, la finanziaziun, ha grazia ad ina ventireivla coincidenza medemamein lubiu ina buna partenza sin quei sectur: La Nova Societad Helvetica dil marcau da Schaffusa haveva fatg amogna a dr. Bernard Cathomas, secretari dalla LR, la summa da 15´000.-- frs per in´ovra cuzzonta pil manteniment dil lungatg romontsch. Sin cussegl da Tista Murk (puspei el!) ei nossa biblioteca daventada "gudidra" da quei regal pecuniar.

    Il crap ei pia vegnius en rocla. Ferton che Tista Murk (tgei optimist!) empustava gia a Berna cudischs, targeva en offertas pil mobiliar e planisava la fiasta d´avertura, haveva sur Paul Casanova da rumper il tgau pervia dallas finanzas. Puspei ha el astgau retscheiver bunas novas dil secretari dalla LR: Era ils marcaus da s. Gagl e Winterthur eran sedecidi da sustener nies project. Daners eran pia empermess, denton sesanflava aunc gnanc in rap en cassa dalla biblioteca vegnenta. Tuttina han ins surdau ils 23 da november las lavurs da pictur e scrinari a firmas indigenas, empustau il mobiliar da biblioteca ed ils cudischs d´emprest.

    All´entschatta december havevan ils mistergners terminau lur lavurs ed il di da Sontgaclau ein il mobiliar ed ils cudischs dalla biblioteca populara arrivai. Strusch eran las crunas da cudischs installadas, ha Tista Murk entschiet a purtar plunas da cudischs (per part gia classificai e signai) ord sia biblioteca privata viers la casa da scola. Quei eran rodund 1000 cudischs ch´el leva metter a disposiziun al diever general.

    Ensemen culs cudischs dalla biblioteca populara svizra e dad autras instituziuns publicas e da privats spitgavan ussa ca. 3000 cudischs da vegnir empristai e legi.

    Il survetsch da biblioteca ed il preparar ils cudischs per igl emprest ha l´Uniun da mummas e dunnas surpriu. L´organisaziun dall´avertura dalla biblioteca - en fuorma d´ina sera folcloristica cun tut las uniuns culturalas dalla vischnaunca - era els mauns dalla Uniun da giuventetgna. In grond diember da vischinas e vischins da Trun haveva pia demussau spért da solidaritad e surventscheivladad viers ina ovra da muntada communala.

    Sper la tgina da nossa biblioteca - per aschidadir en funcziun da spindrera - stattan denton ils treis numnai all´entschatta da questa survesta: Tista Murk, il cumpetent cussegliader e nunstunclenteivel gidonter, sur Paul Casanova, il zun engaschau emprem president dalla cumissiun da biblioteca e dr. Pius Tomaschett, il coniniziant e president dil gremi purtader dalla biblioteca.

    Ord "La vitrina", annada 1 nr. 1 november 1998
    da Albert Decurtins

Webdesign und Programmierung: rute4.ch